وسیم احمد:چئیرمین پاکستان کرکٹ بورڈ محسن نقوی سے ہاکی کے سابق قومی کھلاڑیوں شہباز سینئر اور خواجہ جنید کی ملاقات، چئیرمین پی سی بی محسن نقوی سے اولمپئنز شہباز سینئر اور خواجہ جنید نے بھی ملاقات،ہاکی کے فروغ کیلیے پائیدار بنیادوں پر اقدامات پر تبادلہ خیال ،اولمپئنز کا کہناہے ، کرکٹ کی طرح ہاکی کے سسٹم کو ٹھیک کرنے کی ضرورت ہے۔
شہباز سینئر اور خواجہ جنید نے چیمپئنز ٹرافی پر چئیرمین پی سی بی محسن نقوی کے اصولی موقف کو سراہا، شہباز سینئر اورخواجہ جنید کا کہنا تھا کہ کرکٹ سٹرکچر تیزی سے آپ نے درست کیا ہے،اسی رفتار سے ہاکی کے سسٹم کو ٹھیک کرنے کی ضرورت ہے۔
ملاقات میں ہاکی کے کھیل کے فروغ کے لئے پائیدار بنیادوں پر اقدامات پر تبادلہ خیال کیا گیا، چئیرمین پی سی بی محسن نقوی نے ہاکی کے کھیل کے لئے اپنے ہر ممکن تعاون کی یقین دہانی کرائی۔
محسن نقوی کا کہنا تھا کہ ہاکی پاکستان کا قومی کھیل ہے اور پاکستانی ہاکی ٹیم کا ماضی درخشاں تاریخ سے عبارت ہے،ہاکی کی عظمت رفتہ کی بحالی کے لئے ہورا تعاون کریں گے۔
شہباز سینئر اور خواجہ جنید نے جرمن اور نیدرلینڈ کے ہاکی کلبز کے دورے کی تفصیلات سے آگاہ کیا، دونوں پلیئرز نے مارچ میں جرمن نیشنل جونیئر ہاکی ٹیم کے دورہ پاکستان کے بارے بریف کیا۔