ویب ڈیسک: انسداد دہشت گردی عدالت اسلام آباد نے 26 نومبر کو ڈی چوک پر احتجاج کے مقدمات میں 250 ملزمان کی بعد از گرفتاری ضمانت کی درخواستوں پر سماعت 9 جنوری تک ملتوی کردی۔

انسدادِ دہشت گردی عدالت کے ڈیوٹی جج طاہر عباس سپرا نے سماعت کی جس میں ملزمان کے وکلاء انصر کیانی، سردار مصروف، آمنہ علی، فتح اللہ برکی و دیگر پیش ہوئے۔

عدالت نے ریمارکس میں کہا کہ ان مقدمات میں متعدد ملزمان کی ضمانتیں ہو چکی کچھ کی خارج ہوئی ہیں، بیمار ملزمان اور بچوں کی ضمانتیں منظور کی ہیں۔

عدالت نے کہا کہ یہ تمام درخواستیں کل کیلئے رکھ لیتے ہیں کل جج صاحب آجائیں گے، پراسیکیوٹر نے استدعا کی کہ ان درخواستوں میں جمعہ یا ہفتہ کی تاریخ دے دیں، عدالت نے کیس کی سماعت 9 جنوری تک ملتوی کردی۔

پی ٹی آئی کے 250 سے زائد کارکنان کیخلاف تھانہ کوہسار، کراچی کمپنی اور سیکریٹریٹ میں دو، دو مقدمات، تھانہ مارگلہ، ترنول، رمنا میں ایک، ایک مقدمہ درج ہے۔