(اسرار خان)شہر میں ایک جانب وقفے وقفے سے بارش کا سلسلہ جاری ہے تو دوسری جانب ٹریفک حادثات کا سلسلہ بھی تھم نہ سکا ۔
گزشتہ 24 گھنٹوں کے دوران 179 ٹریفک حادثات میں 194 افراد زخمی ہو گئے، 90 شدید زخمیوں کو فوری طبی امداد کیلئے مقامی ہسپتالوں میں منتقل کیا گیا ۔
ریسکیو ڈبل ون ڈبل ٹو کے اعداد و شمار کے مطابق گزشتہ 24 گھنٹوں کے دوران شہر کے مختلف علاقوں میں ہونے والے 179 ٹریفک حادثات میں مجموعی طور پر 194 افراد زخمی ہوئے، 90 شدید زخمیوں کو فوری طبی امداد کے لئے مقامی ہسپتالوں میں منتقل کیا گیاجبکہ 104 معمولی زخمیوں کو موقع پر فرسٹ ایڈ فراہم کی گئی۔
ریسکیو حکام کا کہنا ہے کہ ٹریفک حادثات تیز رفتاری، غفلت برتنے اور ٹریفک قوانین کی خلاف ورزی کے باعث پیش آئے ۔