(عابدچودھری)سٹی 42نےگمشدہ اڑھائی سالہ بچےکواس کےوالدین سےملوادیا، گرین ٹاؤن کے علاقہ باگڑیاں سے اڑھائی سالہ بچہ شہری میاں عبدالستار کو روتا ہوا ملا تھا ۔
تفصیلات کے مطابق گرین ٹاؤن کے علاقہ باگڑیاں کے رہائشی میاں عبدالستار کو گلی میں اڑھائی سالہ ناصر روتا ہوا ملا، شہری عبدالستار نے بچہ ملنے پر پولیس اسٹیشن میں اطلاع دی جبکہ والدین کی تلاش کے لئے مساجد میں بھی اعلانات کروائے، سٹی فورٹی ٹو سے گفتگو کرتے ہوئے شہری عبدالستار کا کہنا تھا کہ صبح 8 بجے کے قریب بچہ انکے گھر کے باہر گلی میں روتا ہوا ملا جسے وہ اپنے گھر لے آئے جبکہ سٹی فورٹی ٹو پر خبر نشر ہونے پر والدین شہری کے گھر پہنچ گئے۔
جنہوں نے سٹی فورٹی ٹو اور شہری عبدالستار کا شکریہ ادا کیا، اڑھائی سالہ ناصر کے مل جانے پر اسکے والدین نے سٹی فورٹی ٹو کا شکریہ ادا کیا ، شہری عبدالستار نے پولیس کی جانب سے ضروری کارروائی مکمل ہونے پر بچے کو والدین کے حوالے کر دیا ۔