زین مدنی حسینی:اداکارہ لیلیٰ ایک مرتبہ پھر بپھر گئیں، اداکارہ لیلیٰ نے کہا کہ انہیں شوبز میں کام نہیں مل رہا، میرا نے ان سے ان کی گاڑی بھی چھین لی ہے، پیسے ادھار دیئے وہ بھی واپس نہیں کررہی میرا دوست چھین لیا۔
لولی وڈ انڈسٹری کی ہمیشہ خبروں میں رہنے والی اداکارہ لیلیٰ نے ہاسپیٹلٹی ان ہوٹل میں پاکستان میڈیا کلب کی فلم انڈسٹری کی بحالی کے حوالے سے ہونے والی مذاکرے کی تقریب میں ایسی بدمزگی پیدا کی کہ تقریب تو رک گئی لیکن لیلیٰ بولتی رہیں۔لیلیٰ کا کہنا تھا کہ انہیں شوبز میں کام نہیں مل رہا، میرا نے ان سے ان کی گاڑی بھی چھین لی ہے، پیسے ادھار دیئے وہ بھی واپس نہیں کررہی میرا دوست چھین لیا۔
لیلیٰ بولتی گئیں اور کوئی روک نہیں سکا۔ ہدایتکار جرار رضوی ،اداکار عمران خان سمیت بہت سوں نے کوشش کی لیکن لیلیٰ روتی بھی رہی اور اپنے شکوے بھی کرتی رہی۔اب لیلیٰ کا میرا کے ساتھ اصل کیا مسئلہ ہے یہ تو خود دونوں ہی جانتی ہیں۔ لیلیٰ نے تو کہہ دیا البتہ میرا خاموش ہیں اور میرا اس مسئلے پر کسی بات کرنے سے بھی گریز کررہی ہیں لیکن پھر بھی اصل کہانی جلد ہی منظر عام پر آجائے گی۔
مزید دیکھئے: