(ویب ڈیسک) آنجہانی پاپ گلوکار مائیکل جیکسن کی بیٹی پیرس جیکسن نے ساتھی فنکارکے ساتھ منگنی کرلی ۔

 26 سالہ پیرس جیکسن نے اپنی پوسٹ میں ساتھی فنکارجسٹن لانگ سے محبت کا اظہار کرتے ہوئے لکھا کہ سالگرہ مبارک ہو، گزشتہ چند سالوں میں تمہارے ساتھ زندگی گزارنا ایک ناقابلِ بیان تجربہ رہا ہے، اور میں کسی اور کے بارے میں سوچ بھی نہیں سکتی، شکریہ کہ تم نے مجھے اپنا بنایا،میں تم سے محبت کرتی ہوں۔

 تصاویر میں دیکھا جا سکتا ہے کہ جسٹن لانگ نے سیاہ پینٹ اورسفید شرٹ پہن رکھی تھی اور وہ پیرس کے سامنے گھٹنوں کے بل بیٹھے انہیں انگوٹھی پہنا رہے ہیں۔

 پوسٹ میں پیرس اور جسٹن کی کئی یادگار تصاویر بھی شیئر کی گئی ہیں جن میں ہالووین کی تقریبات،ڈریگن سے متاثرہ ملبوسات اورسیر سپاٹوں کی جھلکیاں شامل ہیں۔ 

 واضح رہے کہ پیرس اس سے قبل گابریل گلین کے ساتھ دوستی میں تھیں جن سے 2020ء میں علیحدگی کے بعد انہوں نے جسٹن لانگ کے ساتھ 2021 ءمیں تعلق قائم کرلیاتھا۔