فاران یامین:خبردار، ہوشیار؛ بغیر ہیلمٹ موٹرسائیکل سواروں کےخلاف کریک ڈاؤن تیز کرنے کا حکم, سی ٹی او لاہورعمارہ اطہر کا کہنا تھا ہیلمٹ ٹینکی پر رکھنے، بازو میں لٹکانے پر بھی چالان ہے۔

تفصیلات کےمطابق لاہور ٹریفک پولیس شہریوں کے جان و مال کے تحفظ کےلئے ایک بار پھر متحرک، آرٹیفشل انٹیلیجنس سسٹم سے بغیر ہیلمٹ کےخلاف بلاتفریق کارروائیوں کا سلسلہ تیز کردیا گیا،شہر کی تمام ماڈل روڈز بغیر ہیلمٹ موٹرسائیکلسٹ کےلئے نوگو ایریا،ہیلمٹ ٹینکی پر رکھنے، بازو میں لٹکانے پر بھی چالان ہے۔ 

شہری 2000 کے چالان سے بچیں اور ہیلمٹ پہنیں، رواں سال 05 لاکھ 96 ہزار بغیر ہیلمٹ موٹرسائیکل سواروں کو چالان کئے گئے،مال روڈ، جیل روڈ، گلبرگ مین بلیوارڈ اور کینال روڈ پر 90 فیصد شہریوں کا ہیلمٹ پہننا خوش آئند ہے۔

سی ٹی او لاہور عمارہ اطہر کا کہنا تھا کہ آج فیروز روڈ لاہور بریج تا گجومتہ خصوصی کریک ڈاؤن کیا جائے گا، ڈویژنل افسران، سرکل افسران کارروائی یقینی بنائیں، حادثات کی روک تھام کے پیش نظر موثر کارروائی نہ کرنے پر متعلقہ سیکٹر انچارج کےخلاف کارروائی کا عندیہ دیا۔

ہیلمٹ انفورسمنٹ مہم سے ہیڈانجری کیسز میں نمایاں کمی ہوئی، چالان کا مقصد ریونیو نہیں، آپ کے تحفظ کو یقینی بنانا ہے۔