صفائی مہم، کئی علاقوں میں ایم سی ایل ، ایل ڈی اےاور واسا کا مشترکہ آپریشن 

 بسام سلطان :سبزہ زار، مرغزار کالونی، کھاڑک نالہ، ملتان روڈ اور سمن آباد میں آپریشن کلین اپ جاری ہے ۔ سی ای او ایم سی ایل کا ڈی جی ایل ڈی اے، ایم ڈی واسا کے ہمراہ مختلف علاقوں کا دورہ کیا۔

سبزہ زار میں چھوٹے نالوں کی ڈی سلٹنگ کا عمل بھی شروع کر دیا گیا۔ 30 سے زائد آپریشنل گاڑیاں، 2 سو سے زائد سینٹری ورکرز آپریشن کلین اپ میں حصہ لے رہے ہیں۔ سی ای او ایم سی ایل بابر صاحب دین کے مطابق سڑکوں پر عمارتی ملبہ پھینکنے والوں کے خلاف انفورسمنٹ ٹیموں کو کاروائیاں تیز کرنے کی ہدایت کردی ہے۔ آپریشن ٹیم کے افسران خود فیلڈ میں موجود رہ کر صفائی انتظامات کی نگرانی کر رہے ہیں۔بابر صاحب دین کا کہنا تھا کہ لاہور میں بہترین صفائی انتظامات کیلئے تمام تر وسائل استعمال میں لائے جا رہے ہیں۔ ۔لاہوریوں کو صاف ستھرا ماحول فراہم کرنا ہی اولین ترجیح ہے۔