جنید ریاض : اساتذہ کی سہولت کیلئے ٹرانسفرز راؤنڈ کو دو مراحل میں تقسیم کردیا گیا۔پہلے مرحلے میں ہارڈشپ ٹرانسفرز راونڈ اور دوسرے مرحلے میں جنرل ٹرانسفر راونڈ اوپن ہوگا۔
ہارڈشپ ٹرانسفر کیلئے اپلائی کرنے کا دورانیہ 8 اگست سے 10 اگست شام 5 بجے تک ہوگا۔ 10 اگست کی شام 5 بجے کے بعد کوئی درخواست موصول نہیں کی جائے گی۔ہارڈشپ راونڈ کیلئے درخواستیں متعلقہ اضلاع کے سی ای اوز کو جمع کروائی جا سکیں گی۔ہارڈشپ راونڈ پر اپلائی کرنے والے درخواست گزاروں کو متعلقہ ویب سائٹ پر اپلائی کرنے کی ضرورت نہیں ہوگی۔
دوسرے مرحلے میں جنرل ٹرانسفر رائونڈ 12 اگست سے شروع ہوگا۔جنرل ٹرانسفرز کیلئے سکول ڈیپارٹمنٹ کی متعلقہ ویب سائٹ پر اپلائی کیا جائے گا۔یہ ٹرانسفر راونڈ 31 اگست تک جاری رہے گا۔درخواستوں کی جانچ پڑتال کیلئے 1سے 5 ستمبر تک کی تاریخ مقرر کی گئی ہے۔جنرل ٹرانسفرز کا مرحلہ 13 ستمبر تک مکمل کر لیا جائے گا
