حسن علی : پہلی جشن آزادی صدر پاکستان آصف علی زرداری اسپورٹس سائیکل ریلی، قصور دربار حضرت بابا بلھے شاہ سے گورنر ہاؤس پہنچ گئی۔
گورنر ہاؤس میں سائیکل ریلی کا استقبال گورنر پنجاب سردار سلیم حیدر خان نے کیا۔ ریلی کی قیادت کوچ صابر علی قصور اور منیجر شیخ عاصم کر رہے ہیں، جبکہ سائیکل ریلی کے کپتان اللہ دتہ بھٹی دیگر سائیکلسٹ اکبر علی فوجی، محمد شفیق، غلام مصطفیٰ، محمد اکرم، حبیب اللہ اور امجد علی کیساتھ پہنچے۔
سائیکل ریلی کے شرکاء آج رات گورنر ہاؤس میں قیام کریں گے اور جمعرات کو 9 بجے صبح شیراں والا باغ گوجرانوالہ کیلئے روانہ ہوں گے جبکہ گوجرانولہ سے ریلی اسلام آباد جائے گی۔اس موقع پر گورنر پنجاب سردار سلیم حیدر خان نے سائیکل ریلی کے شرکاء کیلئے ایک ایک سپورٹس کٹ اور سپورٹس سائیکل دینے کا اعلان بھی کیا۔