فاران یامین:سلطان کے گاوں میں مبینہ پولیس مقابلہ، اہلکار گولی لگنے سے چل بسا,ڈی آئی جی آپریشنز نے جاں بحق اہلکار کو شہید قرار دیتے ہوئے ملزمان کی گرفتاری کے لئے ٹیم تشکیل دے دی،مبینہ پولیس مقابلہ تھانہ سندر کی حدود میں ہوا۔
پولیس ذرائع سندر تھانہ کی حدود میں ڈاکووں کی گرفتار کے لئے آرگنائزڈکرائم یونٹ (سی آئی اے) نے ریڈ کی تو اس دوران ڈاکووں نے فائرنگ شروع کر دی، گولی لگنے سے مارنے والے پولیس اے ایس آئی زخمی ہوگیا، زخمی اہلکارکو طبی امداد کے لئے شریف میڈیکل کمپلکس سٹی منتقل کیا گیا جہاں زخموں کی تاب نہ لاتے ہوئے اہلکار دم توڑ گیا۔
زخمی اہلکار کی شناخت نذیر کے نام سے ہوئی،جو کہ سی آئی اے چوہنگ میں تعینات تھا،اطلاع ملتے ہی ڈی آئی آپریشنز فیصل کامران شریف میڈیکل کمپلیکس سٹی پہنچے اور جائے وقوعہ کا بھی دورہ کیا،ڈی آئی جی انوسٹگیشن بھی اس موقع پر ان کے ہمراہ تھے۔
ڈی آئی جی آپریشنز نے واقع کا نوٹس لیتے ہوئے ملزمان کہ گرفتاری کے لئے ٹیم بھی تشکیل دے دی، جبکہ علاقہ کہ ناکہ بندی کے بعد سرچ آپریشنز بھی پولیس کی جانب سے کیا گیا۔