اسرار خان: سرحد پار منشیات کی سمگلنگ میں ملوث پولیس اہلکار پکڑا گیا، احسان علی ڈرون کے ذریعے منشیات کی کھیپ سرحد پار بھجوارہاتھا، باٹا پور میں سرحد پار منشیات کی سمگلنگ میں ملوث پولیس اہلکار پکڑا گیا ۔
پولیس کے مطابق گرفتارملزم کی شناخت احسان علی کے نام سے ہوئی ہے، جو پنجاب کانسٹیبلری عباس لائنز میں تعینات ہے ۔ملزم احسان علی کوڈرون کے ذریعے منشیات کی کھیپ سرحد پار بھجواتےہوئےرنگے ہاتھوں گرفتار کیا گیا ۔
پولیس نے گرفتار ملزم سے ڈرون،محکمانہ کارڈ اور منشیات برآمد کر کے سب انسپکٹر رضوان علی کی مدعیت میں مقدمہ درج کر لیاہے۔ پولیس کا کہنا ہےگرفتار ملزم کے دیگر ساتھیوں کی تلاش بھی کی جا رہی ہے ۔