انور عباس: وزاعظم شہباز شریف نے نئی سیکریٹری خارجہ کے تقرر کے لئے آمنہ بلوچ کے نام کی منظوری دیدی۔
پاکستان کی یورپی یونین میں موجودہ سفیر آمنہ بلوچ نئی سیکریٹری خارجہ ہوں گی۔
وزیراعظم شہباز شریف نے پاکستان کے نئے سفیروں کے تقرر کی منظوری بھی دے دی۔
ممتاز زہرا بلوچ فرانس میں پاکستان کی نئی سفیر ہوں گی۔ جانباز خان برونائی دارالسلام میں پاکستان کے نئے سفیر ہونگے۔
محمد سلیم کینڈا میں پاکستان کے نئے ہائی کمشنر ہونگے۔ ملک فاروق جنوبی افریقہ میں پاکستان کے نئے ہائی کمشنر ہونگے۔
ملک فاروق اس وقت کویت میں پاکستان کے سفیر ہیں۔ ممتاز زہرا بلوچ فارن آفس کی ترجمان کی حیثیت سے کام کر رہی ہیں۔