ٹاؤن شپ(سٹی42) روشنیوں کے شہر میں ایک اور ستارے کی جگمگ، پاکستان کے بڑے میڈیا نیوز نیٹ ورک کی کرنیں اب کراچی میں بھی۔
سٹی نیوز نیٹ ورک کے گلدستے میں ایک اور پھول کا اضافہ، سٹی 42، سٹی 41، روہی ٹی وی یوکے 44، 24 نیوز ایچ ڈی کے بعد شہر قائد کی آواز سٹی 21 کی نشریات شروع ہو گئیں، ننھی پری خدیجہ نقوی نے بٹن دبا کر سٹی 21 کی نشریات کا آغاز کیا، چیئرمین سٹی نیوز نیٹ ورک افضل نقوی نے پاکستانی میڈیا کے سب سے بڑے، سٹیٹ آف دا آرٹ نیوز روم اور سٹوڈیو کا افتتاح کیا، عوامی، سیاسی وسماجی رہنماؤں اعلی سول وفوجی حکام نے سٹی ٹوئنٹی ون چینل کے آغاز کا خیر مقدم کیا ہے اور اسے صحافت کی دنیا میں تازہ جھونکا قراردیا ۔
سٹی 21 کے افتتاح پر وزیراعلیٰ سندھ مراد علی شاہ نے نیک تمناؤں کا اظہار کیا، وزیرتعلیم سندھ سعید غنی نے پیشکش کی کہ سٹی 21 شہر کے مسائل بتائے ہم حل کریں گے۔
آزاد اور بیباک، غیر جانبدارانہ صحافت سٹی نیوز نیٹ ورک کا طرہ امتیاز ہے، سٹی 21 شہر کا چھوٹے سے چھوٹا مسئلہ اقتدار کے ایوان تک پہنچائے گا، شہرکا پوش علاقہ ہو یا کچی آبادیاں، سب کے مسائل سٹی21 اجاگر کرے گا، ٹوٹی پھوٹی سڑکیں ہوں یا پھر بے حال ٹرانسپورٹ، تعلیم اور صحت کا حال یا پھر ہو کاروبار کی بات، ہم سب بتائیں گے، رپورٹرز کی بڑی ٹیم کراچی کا ہر مسئلہ اجاگر کرے گی۔