(ویب ڈیسک) دھمکی آمیز ای میلز موصول ہونے کے بعد ممبئی پولیس نے سلمان خان کی سکیورٹی میں اضافہ کردیا تھا تاہم اس کے باوجود دبنگ خان کو محسوس ہوا کہ انہیں اپنی سکیورٹی کا خود بھی انتظام کرنا چاہیے۔

میڈیا رپورٹس کے مطابق بالی ووڈ کے معروف اداکار سلمان خان نے قتل کی دھمکیاں ملنے کے بعد اپنے لیے جدید ترین بلٹ پروف گاڑی خرید لی ہے۔

سلمان خان نے جو گاڑی خریدی ہے وہ جنوبی ایشیا میں دستیاب مہنگی ترین گاڑیوں میں سے ہے اور زیادہ تر لوگ اسے سکیورٹی مقاصد کیلئے ہی استعمال کرتے ہیں۔اطلاعات کے مطابق سلمان خان نے جو گاڑی خریدی ہے وہ فی الحال پورے بھارت میں دستیاب نہیں اور اسے بیرون ملک سے درآمد کیا گیا ہے۔

اس گاڑی کا ماڈل Nissan Patrol SUV ہے۔ بھارتی آٹوموبل مارکیٹ میں فی الحال یہ گاڑی دستیاب نہیں ہے۔