ویب ڈیسک: ورلڈکپ،انگلینڈاورنیوزی لینڈ سیریز کے لیے قومی ٹی ٹوئنٹی اسکواڈ کا اعلان کردیا گیا۔
تفصیلات کے مطابق چیف سلیکٹر محمد وسیم نے پریس کانفرنس کے ذریعے اسکواڈ کا اعلان کیا۔ کپتان بابراعظم،شاداب خان،آصف علی،اعظم خان،حارث رؤف،عماد وسیم،خوشدل شاہ ٹیم میں شامل ہیں۔ان کے علاوہ محمد حفیظ،محمد حسنین،محمد نواز،محمد رضوان،محمدوسیم،شاہین شاہ آفریدی،حسن علی اور صہیب مقصود ٹیم کا حصہ ہیں۔ریزرو کھلاڑیوں میں فخرزمان،شاہ نوازدہانی اورعثمان قادر کوشامل کیا گیا ہے۔
چیف سلیکٹر محمد وسیم نے بتایا کہ ٹیم کمبی نیشن بناتے وقت ٹیم کی ضروریات کو مد نظر رکھی ہیں ۔ صہیب مقصود کی ڈومیسٹک کرکٹ میں کارکردگی اچھی رہی ہے، حارث رؤف کی کارکردگی کچھ میچز میں توقعات کے مطابق نہیں رہی تاہم اس وقت بھی وہ ہمارے میچ ونر ہیں۔ پاک بھارت میچ کو دیکھتے ہوئے ہم نے کچھ کھلاڑیوں کو ٹیم میں شامل کیا ہے ۔ آصف علی کا اسٹرائیک ریٹ پاکستان میں سب سے اچھا ہے جبکہ محمد رضوان نے بابر اعظم کے ساتھ بطور اوپنر خود کو منوایا ہے ۔