ویب ڈیسک:   بالی وڈ کنگ شاہ رخ خان کے بیٹے آریان خان کی گرفتاری کے وقت کروز شپ پر ایک اور معروف اداکار کی بیٹی کی موجودگی کا انکشاف ہوا ہے۔

گزشتہ دنوں بھارتی ایجنسی نارکوٹکس کنٹرول بیورو (این سی بی) نے کروز شپ پر چھاپہ مار کر آریان خان کو گرفتار کیا تھا۔آریان اس وقت ریمانڈ پر این سی بی کی حراست میں ہیں اور ان سے تفتیش کی جارہی ہے۔بھارتی میڈیا کے مطابق  این سی بی کے ذرائع نے دعویٰ کیا ہے کہ جس وقت آریان کو گرفتار کیا گیا اُس وقت ایک اور معروف اداکار کی بیٹی بھی وہیں موجود تھیں۔

کئی روز گزرنے کے باوجود بالی وڈ اداکار اور ان کی بیٹی کی شناخت سامنے نہیں آئی ہے۔بھارتی میڈیا کا کہنا ہے کہ اداکار کی بیٹی کو حراست میں نہیں لیا گیا تاہم یہ بھی واضح نہیں کہ انہیں شامل تفتیش کیا گیا ہے کہ نہیں۔یاد رہے کہ آریان خان کو 3 اکتوبر کو منشیات کے کیس میں این سی بی نے  گرفتار کیا گیا تھا اور 4 اکتوبر کو انہیں عدالت میں پیش کیا گیا ۔ عدالت نے آریان کو 7 اکتوبر تک نارکوٹکس کنٹرول بیورو کے حوالے کیا ہے۔