(فاران یامین)سندر کےعلاقے میں نامعلوم مسافر خاتون جاں بحق، خاتون کو دل کا دورہ پڑا جو جان لیوا ثابت ہوا۔ پولیس نے قانونی کارروائی کیلئے لاش مردہ خانے منتقل کر دی۔
تفصیلات کے مطابق نامعلوم خاتون ٹھوکر سے بھائی پھیرو جا رہی تھی، خاتون کو سندر کے نزدیک دل کا دورہ پڑ گیا جس سے وہ جانبر نہ ہو سکی۔ پولیس کے مطابق متوفیہ خاتون کے پاس کوئی شناختی دستاویزات بھی موجود نہیں۔ خاتون کی شناخت کیلئے لواحقین کی تلاش شروع کر دی گئی ہے۔ پولیس نے پوسٹ مارٹم کیلئے لاش جناح ہسپتال مردہ خانے منتقل کر دی۔
ایک اور واقعے میں بیدیاں روڈ پر تیز رفتار ٹرالے نے چنگ چی رکشہ کو ٹکر مار دی،حادثے کے نتیجے میں میں رکشہ ڈرائیور موقع پر جاں بحق ہو گیا۔رکشہ ڈرائیورہیئر پینڈ کا رہائشی اورگھر کا واحد کفیل تھا، ضروری کارروائی کے بعد لاش مردہ خانہ منتقل کر دی گئی،پولیس کے مطابق حادثے کے بعد ڈرائیور ٹرالہ سمیت فرار ہو گیا۔