ویب ڈیسک: معروف گلوکار اور پائلٹ فخر عالم نے عرب امارات کی مشہور زمانہ ای اسپورٹس کمپنی گلیکسی ریسر کو پاکستان میں لانچ کردیا ۔
گلیکسی ریسر پاکستان کے سربراہ فخر عالم ہوں گے اور ملک میں ای اسپورٹس کے فروغ کے لئے کام کرینگے۔ گلیکسی ریسر کے لئے متحدہ عرب امارات کے ٹاپ پلئیر نائل حسن بھی معاہدہ سائن کرچکے ہیں۔
اس حوالے سے فخر عالم نے کہا ہے کہ پاکستانی ٹیلنٹ کا ہم سب کو پتہ ہے چاہتے ہیں نوجوان نسل جو پاکستان کا مستقبل ہےدنیا میں مقابلہ کرکے اپنے آپ کو منوائے اس کے لئے پاکستانی یوتھ کو ایک گلوبل پلیٹ فارم درکار ہے اسی لئے گلیکسی ریسر پاکستان کا قیام عمل میں لایا گیا ہے۔ گلیکسی ریسر نے کچھ عرضے پہلے پاکستان میں ای اسپورٹس فورنائٹ ٹورنامنٹ کا آغاز بھی کیا تھا جس کا پہلا انعام 10 ہزار ڈالر تھا۔