عثمان خان : سینیٹ میں قائد حزب اختلاف سینیٹر سید شبلی فراز نے امریکی نو منتخب صدر ڈونلڈ ٹرمپ کو انتخابات میں کامیاب ہونے پر مبارکباد دی ہے ۔
سینیٹر سید شبلی فراز نے کہا ہے کہ امریکی عوام نے اپنے ملک کی بہتری کےلئے فیصلہ کیا، امریکہ کی عوام نے جس کو مینڈیٹ دیا اس کی قدر کرتے ہیں، امید ہے نو منتخب صدر ڈونلڈ ٹرمپ خطے و عالمی امن کےلئے کام کریں گے ۔ انہوں نے کہا کہ ڈونلڈ ٹرمپ نے واضح برتری کے ساتھ انتخابات جیتے ۔
انہوں نے مزید کہا کہ امریکہ کے انتخابات دنیا کےلئے اہم ہوتے ہیں، امریکا کی پہلی ترجیح اپنا ملک ہوتا ہے، امریکی پہلے کوشش کرتے ہیں کہ وہ اپنے ملک کو کیسے طاقتور اور بہتر بنائیں ۔