ویب ڈیسک : وزیراعظم شہباز شریف کی جانب سے ڈونلڈ ٹرمپ کو امریکی صدر منتخب ہونے پر مبارکباد دی گئی ہے۔
شہباز شریف نے اپنے ٹویٹر پر پیغام جاری کیا، جس میں انہوں نے نومنتخب امریکی صدر ڈونلڈ ٹرمپ کو الیکشن میں دوسری بار کامیابی پر مبارک باد دی۔ شہباز شریف نے کہا کہ ڈونلڈ ٹرمپ نے امریکی انتخابات میں تاریخی کامیابی حاصل کی ہے۔ انہوں نے کہا کہ ہم نئی امریکی انتظامیہ کے ساتھ مل کرکام کرنے کے خواہاں ہیں۔ نئی امریکی انتظامیہ کے ساتھ تعلقات مزید مستحکم بنانے کیلئے پرعزم ہیں۔ پاک امریکا میں تعاون بڑھانے کے وسیع تر مواقع موجود ہیں۔
یاد رہے کہ امریکی صدارتی انتخابات میں ڈونلڈ ٹرمپ کامیاب ہو گئے ہیں، وہ امریکا کے 47 ویں صدر منتخب ہوئے ہیں۔ وہ 20 جنوری 2025 کو اپنے عہدے کا حلف اٹھائیں گے۔
ڈونلڈ ٹرمپ دوسری مرتبہ امریکا کے صدر منتخب ہوئے ہیں۔ امریکی صدارتی انتخاب میں 538 میں سے ریپبلکن امیدوار ڈونلڈ ٹرمپ نے 277 اور ڈیموکریٹ امیدوار کملا ہیرس نے 226 الیکٹورل ووٹ حاصل کیے ہیں۔
کسی بھی امیدوار کو جیت کے لیے کل 538 میں سے کم از کم 270 الیکٹورل ووٹ درکار ہوتے ہیں۔