ویب ڈیسک:پاکستان فلم اور ڈرامہ انڈسٹری کی معروف اداکارہ ماہرہ خان کی فلم ’ گجنی’ کے مزاحیہ ڈائیلاگ پر ممیکری سوشل میڈیا پر وائرل ہوگئی۔
حال ہی میں ماہرہ خان نے عامر خان کی ایکشن تھرلر فلم ’ گجنی’ کے مزاحیہ ڈائیلاگ کو دوبارہ پیش کیا، جسے مداحوں کی جانب سے بہت پسند کیا جا رہا ہے۔سوشل میڈیا پر وائرل ویڈیو میں گرے سلک ساڑھی میں ملبوس ماہرہ خان برطانوی-پاکستانی صحافی ہارون رشید کے ساتھ موجود ہیں جس میں وہ ڈائیلاگ مزاحیہ انداز میں نقل کرتی نظر آرہی ہیں۔ویڈیو میں ایسا لگتا ہے جیسے کہ وہ سین دوبارہ پیش کر رہے ہوں۔
ہارون نے ویڈیو شیئر کرتے ہوئے کیپشن میں لکھا، ’میں نے کبھی سوچا نہیں تھا کہ ایک ٹانگ پر کھڑا ہونا واقعی کام کر جائے گا۔‘
دوسری جانب ماہرہ خان کی اس وڈیو کو سوشل میڈیا صارفین سمیت لاکھوں مداحوں کی جانب سے بے حد پسند کیا جارہا ہے جبکہ اداکارہ کبریٰ خان ، اریبہ حبیب اور دیگر سمیت لاکھوں مداحوں کا ماننا ہے کہ ماہرہ خان کے ایکسپریشنز واقعی کمال کے ہیں۔
واضح رہے کہ اداکارہ ماہرہ خان کا شمار انڈسٹری کی اے لسٹ حسیناؤں میں کیا جاتا ہے جنہوں نے نہ صرف اپنے فن سے پاکستانیوں کے دلوں میں گھر کیا بلکہ بھارت میں بھی اپنی اداکاری سے لاکھوں لوگوں کو اپنا دیوانہ بنالیا۔اداکارہ ماہرہ خان جو ڈراما ’ شہرِ ذات‘، ’وہ ہمسفر تھا‘ اور ’بن روئے‘ میں اپنی بہترین اداکاری کے سبب کافی مشہور ہے ہی تاہم ان کی شہرت میں مزید چار چاند لگانے کیلئے سوشل میڈیا پوسٹ بھی اہم کردار ادا کرتی ہیں جن کے ذریعے مداحوں کو ماہرہ خان کا الگ روپ دیکھنے کو ملتا ہے۔