(ویب ڈیسک) ہوائی فائرنگ، اسلحہ کی نمائش، پتنگ بازی قانوناً جرم ہے اس کے باوجود جس طرح مختلف تقاریب اور مقامات پر ان کی خلاف ورزی کی جاتی ہے، وہ محتاجِ بیان نہیں۔ ہوائی فائرنگ کا ایک اور واقعہ لاہور میں چوہنگ کے علاقہ چوکی شیر شاہ میں پیش آیا۔
تفصیلات کےمطابق شہر میں ہوائی فائرنگ کے واقعات تھم نہ سکے، ہوائی فائرنگ کرکے ویڈیو بناکر سوشل میڈیا پر وائرل کرنا ٹرینڈ بن چکا ہے،فائرنگ کی ایک اور نئی ویڈیو سامنے آئی، ملزمان نے ویڈیو بنا کرٹک ٹاک اپ لوڈ کی،پولیس نے کارروائی کرتے ٹک ٹاک پر ہوائی فائرنگ اور اسلحہ کی نمائش کرنے والے دو ملزمان گرفتار کرلیا،آفتاب احمد چوکی انچارج کا کہناتھا کہ گرفتار ملزمان میں راشد اور رازق شامل ہیں،ملزموں سے پستول اور رائفل برآمد کرلی گئی ہیں۔
