(حافظ شہباز علی ) کرکٹ جنوبی افریقہ کے چار رکنی سیکیورٹی وفد نے نیشنل ہائی پرفارمنس سینٹر اور قذافی اسٹیڈیم کا دورہ کیا-
تفصیلات کے مطابق مائیک گیجر کی قیادت میں مہمان وفد نے نیشنل ہائی پرفارمنس سینٹر اور قذافی اسٹیڈیم میں پریکٹس اور میچز کی سہولیات کا جائزہ لینے کے ساتھ بائیو ببل انتظامات کا بھی جائزہ لیا، پی سی بی کے ڈائریکٹر انٹرنیشنل کرکٹ ذاکر خان نے وفد کو ہائی پرفارمنس سینٹر اور اسٹیڈیم کا دورہ کروایا۔
میڈیکل اینڈ سائنسز پی سی بی ڈاکٹر سہیل سلیم نے وفد کو بائیو سیکیور ماحول پر بریفنگ دی، شیڈول کے مطابق آئندہ برس جنوری افریقن کرکٹ ٹیم نے پاکستان کا دورہ کرناہے۔
دوسری جانب محکمہ داخلہ پنجاب میں اجلاس منعقد کیا گیا جس کے دوران سا ئوتھ افریقہ کرکٹ سکیورٹی بورڈ کے وفد کو حفاظتی انتظامات پر بریفنگ دی گئی، ڈپٹی کمشنر لاہور اور ڈی آئی جی آپریشن اشفاق خان نے وفد کو لاہور میں کیے گئے سکیورٹی انتظامات بارے آگاہ کیا، اجلاس میں ایڈیشنل ڈپٹی کمشنر اور سیکشن آفیسر احمد بلال بھی موجود تھے۔
سپیشل سیکرٹری داخلہ پنجاب سلمان غنی کا کہنا تھا کہ پولیس اور سول ڈیفنس کو سکیورٹی انتظامات کے ٹاسک دے دیئے گئے ہیں، ڈی آئی جی آپریشن اشفاق خان نے بتایا کہ کرکٹ ٹیم کے تمام روٹس کے گرین بیلٹ پر لائٹس لگائی جائیں گی، ڈپٹی کمشنر نے کہا کہ قذافی اسٹیڈیم کے اطراف میں گیس سلنڈر شاپس کو مکمل طور پر بند کر دیا جائے گا،کورونا ایس او پیز پر مکمل عمل درآمد کرایا جائیگا، ساتھ افریقہ کرکٹ سیکورٹی بورڈ نے سیکورٹی انتظامات پر اعتماد کا اظہار کیا۔
ا