سٹی42: پنجاب میں کورونا وائرس کی وبا سے صوبائی معشیت کے خسارے میں مزید اضافے کا اندیشہ ہے، ایشن ڈویلپمنٹ اور پاکستان انسٹیوٹ آف ڈویلپمنٹ کے نئے ہو شربا اعداد و شمار سامنے آگئے۔
پنجاب میں تین درجے کے لاک ڈاؤن ہونے سے صوبائی معشیت کو ہونے والے نقصان کتنا ہوگا ؟ پنجاب میں نئے اعداد و شمار کے مطابق صوبائی معشیت کا مکمل لاک ڈاؤن کرنے سے 23 کھرب کا نقصان ہوگا. درمیانے درجے کے لاک ڈاؤن سے صوبائی معشیت کو 11 کھرب 10 کروڑ کا نقصان ہوگا، معمولی درجے لے لاک ڈاون سے صوبائی معشیت کو 1 کھرب 43 ارب روپے کا نقصان ہوگا اور مکمل لاک ڈاؤن کرنے سے 1 کروڑ 12 لاکھ افراد بے روزگار ہوسکتے ہیں۔
درمیانے درجے کے لاک ڈاؤن سے صوبے میں 90 لاکھ 30 ہزار لوگ اپنی نوکریاں کھو سکتے ہیں، معمولی درجے کے لاک ڈاؤن سے 10 لاکھ 80 ہزار افراد کے بے روزگار ہونے کا اندیشہ ہے۔ نئی رپورٹ کے مطابق پنجاب میں غربت بڑھنے کا اندیشہ 54 فیصد ظاہر کیا گیا ہے، مکمل لاک ڈاؤن ہونے سے صوبے میں غربت 34.3 فیصد بڑھ سکتی ہے، درمیانے درجے کے لاک ڈاون سے غربت 19.9 فیصد بڑھنے کا اندیشہ ظاہر کیا گیا ہے۔ رپورٹ میں مزید کہا گیا ہے کہ معمولی درجے کے لاک ڈاون سے غربت 9.4 فیصد بڑھ سکتی ہے۔
چین کے صوبے ووہان سے جنم لینے والے خطرناک کورونا وائرس کی دنیا بھر میں تباہ کاریاں جاری ہیں، دنیا بھر میں اب تک کورونا وائرس 2 لاکھ 48 ہزار 5 سو افراد کی زندگیاں نگل چکا جبکہ 35 لاکھ 82 ہزار 804 افراد متاثر ہوچکے ہیں
واضح رہےکہ24 مارچ سے کورونا وائرس کے پھیلاؤ سے بچاؤ اور احتیاطی تدابیر کے تحت لاہور سمیت پنجاب بھر میں لاک ڈاؤن نافذ ہے، لاہور میں آج لاک ڈاؤن کا 44 واں روز ہے، تمام شاپنگ مالز، مارکیٹیں، تعلیمی ادارے، سینما گھر، شادی ہالز، سیاحتی مقامات اور پارکس بند ہیں، پبلک ٹرانسپورٹ ،ریلوے کا پہیہ جام ہے، کھیلوں کے میدانوں پر تالے لگے ہیں۔