ویب ڈیسک:ایرانی قونصل جنرل مہران مواحد فر کی صدر یو ایم ٹی ابراہیم حسن مراد سے اہم ملاقات،یو ایم ٹی کے جوہر ٹاؤن کیمپس میں ہونیوالی ملاقات کے دوران تعلیم اور باہمی دلچسپی کے دیگر امور پر تبادلہ خیال کیا گیا ۔
ابراہیم حسن مراد نے ایرانی قونصل جنرل کو یونیورسٹی کے بارےمیں بریفنگ دیتے ہوئے کہا کہ یو ایم ٹی کی فیکلٹی دنیا کی اعلیٰ جامعات سے تعلیم یافتہ ہے،ایران اور پاکستان کے تعلیمی ادارے تعلقات کے فروغ میں اہم کردار ادا کر سکتے ہیں۔
سابق وزیر نے کہا کہ ایرانی طلباء کو یو ایم ٹی میں سکالرشپس فراہم کی جائیں گی،یو ایم ٹی بین الاقوامی طلباء کو جدید تعلیمی سہولیات فراہم کر رہی ہے،نوجوانوں کو بااختیار بنانے سے دونوں ممالک کی ترقی کو فروغ ملے گا۔
ابراہیم حسن مراد نے ایرانی قونصل جنرل کو مسلم سائنٹسٹ سمٹ میں شرکت کی دعوت بھی دی۔
دوسری طرف ایرانی قونصل جنرل نے ابراہیم حسن مراد کی بطور سابق وزیر عوامی خدمات کو سراہا، انہوں نے کہا کہ یو ایم ٹی ایک منظم اور معیاری تعلیمی ادارہ ہے،یو ایم ٹی کے وفد کو ایرانی یونیورسٹیز کے دورے کی دعوت دیتے ہیں۔
ایرانی قونصل جنرل مہران مواحد فر نے کہا کہ اصفہان اور مشہد یونیورسٹیز کے ساتھ ایم او یوز کیے جائیں گے،فیکلٹی اور طلباء کے ایکسچینج پروگرام سے تعلقات مزید مستحکم ہونگے۔
ملاقات کے اختتام پر سابق وزیر ابراہیم حسن مراد نے ایرانی قونصل جنرل مہران مواحد فر کو سوینئر پیش کیا۔