(سٹی42) لاہور کی سیشن عدالت میں گلوکار علی ظفر کے ہتک عزت کے دعوے پر سماعت ہوئی جس میں اداکارہ عفت عمر کے بیان پر وکلا نے جرح کی۔اداکارہ عفت عمر کا کہناتھا کہ انہیں یقین ہے کہ علی ظفر نے میشا شفیع کو ہراساں کیا ہے۔

 تفصیلات کے مطابق لاہور کی سیشن عدالت میں گلوکارہ میشا شفیع کے خلاف ہتک عزت کے دعوی پر سماعت ہوئی،جس میں اداکارہ عفت عمر کے بیان پر وکلا نے جرح کی۔عدالت میں پیش ہوکراداکارہ عفت عمر کا کہناتھا کہ انہیں یقین ہے کہ علی ظفر نے میشا شفیع کو ہراساں کیا ہے۔گلوکار علی ظفرکے وکیل کا کہناتھا کہ اگر آج ثابت ہوجاتا ہے علی ظفر نے میشا شفیع کو ہراساں کیا ہے تو دونوں بچوں پر کیا اثر پڑے گا؟ عفت عمر نے جواب دیا کہ دونوں کے بچوں پر برے اثرات پڑ یں گے۔

علی ظفر  کےوکیل نے استفسار کیا کہ دونوں کے بچوں پر کیا برا اثر پڑے گا؟ عفت عمر  نے کہا کہ جس کے بارے میں جھوٹ بولا گیا ہے اس کے بچوں کو افسوس ہوگا ۔وکیل کا کہناتھا کہ علی ظفر کے بچوں پر کیا اثر پڑے گا؟اداکارہ نے کہا کہ علی ظفر کے بچوں vindicated ہوں گے ۔وکیل سے سوال جاری رکھتے مزید پوچھا کہ علی ظفر کے بچے جب سکول جائیں گے تو ان کو کیسا محسوس ہوگا؟جواب میں عفت عمر کا کہناتھا کہ علی ظفر کے بچوں کو شرمندگی ہوگی ۔وکیل نے کہا کہ آپ کو علم ہے ایک کالج کے پروفیسر پر ہراساں کرنے کا الزام لگا؟

اداکارہ نے کہا جی مجھے علم ہے، وکیل نے بات جاری رکھتے کہا کہ اسی پروفیسر نے الزامات پر خودکشی کرلی تھی۔پروفیسر کی موت کے بعد انکوئری کمیٹی نے خاتون کو قصور وار ٹھہرایا تھا۔ عفت عمر نے عدالت میں وکیل کی بات پر جواب دیا کہ مجھے انکوائری رپورٹ کے بارے میں علم نہیں ہے ۔وکیل نے سوال کیا کہ کیا یہ درست ہے علی ظفر کے والد آپکے ٹیچر ہیں؟ بالکل علی ظفر کے والد میرے استاد ہیں ہمارے فیملی ٹرم ہیں، عفت عمر نے جواب میں کہا۔

گلوکار علی ظفر کے وکیل نے مزید پوچھا کہ کیا علی ظفر کی شادی پر آپ کو دعوت نامہ دیا گیا تھا؟کیا علی ظفر کی شادی پر ذہنی طور پر پریشان تھی؟کیا علی ظفر آپکو ملنے گھر آتا تھا ؟وکیل کے سوالوں کا جواب دیتے ہوئے اداکارہ کا کہناتھا کہ مجھے علی ظفر کی شادی پر دعوت نامہ دیا گیا تھا، شادی پر میں بالکل پریشان نہیں تھی اور ہماری عمروں میں کافی فرق ہے، عفت عمر  نے عدالت کو بتایا کہ علی ظفر سے ملتے وقت علی کے والد موجود ہوتے تھے۔

علی ظفر کے وکیل نے عفت عمر سے پوچھا کہ کیا  آپ کو  یقین ہے علی ظفر نے میشا شفیع کو ہراساں کیا ہے؟ اس پر اداکارہ نے کہا کہ جی مجھے یقین ہے علی ظفر نے ہراساں کیا ہے۔