سٹی42: سعودی عرب میں ذی الحج کا چاند نظر آ گیا ہے، سعودی عرب میں خطبہ حج 15 جون کو ہو گا اور عید الاضحیٰ 16جون کو ہو گی۔ پاکستان میں روئیت ہلال کمیٹی کا اجلاس آج 7 جون کو ہو گا جس میں ذی الحج کا چاند دیکھنے کے متعلق شرعی شہادتیں لی جائیں گی۔
سعودی حکام نےسعودی عرب میں ذی الحج کا چاند نظر آنے کا اعلان جمعرات کو اعلان کیا۔ مملکت میں عرفات کا دن 15 جون کو ہو گا اور عید الاضحیٰ 2024 کا پہلا دن 16 جون بروز اتوار کو ہوگا،
اس اعلان کے مطابق آج 7 جون کو سعودی عرب میں ذی الحج کا پہلا دن ہے اور ایامِ حج کا آغاز ہو گیا ہے۔
پاکستان میں روئیتِ ہلال
پاکستان میں ذی الحج کا چاند دیکھنے کے لیے مرکزی رویت ہلال کمیٹی آج جمعہ کو بیٹھے گی۔ آج جمعہ کو نیا چاند دیکھ لیا گیا تو پاکستان میں عید کا پہلا دن 17 جون 2024 کو پیر کے روز ہوگا۔
روئیت ہلال کمیٹی کا مرکزی اجلاس کراچی میں محکمہ موسمیات کی بلڈنگ مین ہو گا جبکہ زونل اجلاس تین صوبائی دارلحکومتوں اور اسلام آباد میں نماز مغرب سے 30 منٹ قبل شروع ہوں گے۔