سٹی42: کوٹ لکھپت چندرائے روڈپر مبینہ پولیس مقابلہ ہوا جس کے نتیجے میں 2ڈاکو ؤں کو زخمی حالت میں گرفتار کیا جبکہ تیسرا ساتھی موقع سے فرار ہوگیا۔

لاہور کے علاقہ کوٹ لکھپت چندرائے روڈپر مبینہ پولیس مقابلہ ہوا جس کے نتیجے میں 2 ڈاکو ؤں کو گرفتار کرلیا گیا ہے۔

پولیس کے مطابق گرفتار ڈاکو شہری رفاقت سے واردات کر کے فرار ہو رہے تھے ، ناکہ پر پولیس نے ملزمان کو رکنے کا اشارہ کیا تو ملزمان نے فائرنگ کر دی، جس کی جوابی کارروائی میں پولیس نے فائر کیے جس سے ڈاکو رضوان اور فرحان علی زخمی ہو گئے۔ ملزمان کے قبضے سے 2 پسٹل ،دوران واردات چھینی گئی رقم اور اے ٹی ایم کارڈ برآمد ہوئے۔

پولیس کا کہنا ہے کہ ملزمان کا تیسرا ساتھی عثمان موقع سے فرار ہوگیا لیکن اس کی تلاش شروع کر دی ہے۔