ملک اشرف : لاہور ہائیکورٹ نے سابق پرنسپل سیکرٹری محمد خان بھٹی کی حفاظتی ضمانت کیلئے درخواست پر تمام مقدمات کا ریکارڈ 7 جون کو طلب کرلیا ۔
 جسٹس سلطان تنویر احمد نے محمد خان بھٹی کی درخواست پر سماعت کی۔ عدالت نے وفاق اور صوبائی حکومت کو ہدایت کی کہ وہ اپنی اپنی رپورٹس جمع کرائیں۔ ملزم کے وکیل نے کہا محمد خان بھٹی کو سیاسی وابستگی کی وجہ سے مختلف مقدمات میں ملوث کر دیا گیا ہے۔ ایک مقدمے میں ضمانت ملنے پر دوسرے کیس میں گرفتار کر لیا جاتا ہے۔ ابھی تک تیرہ مقدمات درج ہونے کی تفصیل فراہم کی گئی ہے ۔محمد خان بھٹی کی تمام غیر ظاہر شدہ مقدمات میں حفاظتی ضمانت منظور کی جائے۔