(فاران یامین،عابد چودھری)ڈاکوؤں نے ناکہ بندی کے دوران سنیپ چیکنگ پر ساندہ پولیس پر فائرنگ کر دی۔

پولیس کی جانب سے ڈاکوؤں کا تعاقب کیا جا رہا تھا کہ اس دوران ڈاکوؤں نے پولیس پر  فائرنگ کر دی،ڈاکوؤں کی فائرنگ سے ان کا اپنا ساتھی زخمی ہو گیا جسے گرفتار کر لیا جبکہ تین ڈاکو فرار ہونے میں کامیاب  ہو گئے ،خوش قسمتی سے پولیس  اہلکار محفوظ رہے ۔زخمی ریکارڈ یافتہ ڈاکو کی شناخت شہباز کے نام سے ہوئی،پولیس کے مطابق ملزم کچھ روز قبل فارمیسی کیشیر سے 6 لاکھ 68 ہزار کی واردات کی تھی۔

 ایک اور واقعے میں کوٹ لکھپت چندرائے روڈپر مبینہ پولیس مقابلہ کے دوران دو   ڈاکوؤں کو زخمی حالت میں گرفتار کر لیا گیا۔پولیس کے مطابق
گرفتار ڈاکو شہری رفاقت سے واردات کر کے فرار ہو رہے تھے،ناکے پر پولیس نے ملزمان کو رکنے کا اشارہ کیا تو ملزمان نے فائرنگ کر دی،کراس فائرنگ میں رضوان اور فرحان علی زخمی ہو گئے۔موقع سے دو عدد پسٹل دوران واردات چھینی گئی رقم اے ٹی ایم کارڈ برآمد کر لیا گیا۔