(ویب ڈیسک) محرم الحرام، پنجاب حکومت نےصوبہ بھرمیں دفعہ144نافذکردی، محرم الحرام کے جلوسوں اور مجالس میں کوئی نئی اختراع نہیں ہو گی۔

تفصیلات کےمطابق مجازاتھارٹی کی اجازت کےبغیرہر قسم کےہتھیار و آتش گیرموادکی نمائش پرپابندی عائدکی گئی ہے، عوامی جذبات، اشتعال انگیز نعروں اور اشاروں پر مکمل پابندی عائد ہے، بین المذاہب، فرقہ وارانہ یا نسلی منافرت کو ہوا دینے والے ریمارکس پر دفعہ 144 نافذ کی گئی ہے۔
جلوس کے راستوں پر واقع مکانات یا دیگر عمارتوں کی چھتوں پر مورچوں کی تعمیر پر،جلوس کے راستوں میں موجود عمارتوں کی چھتوں پر پتھر، اینٹیں، بوتلیں یا کچرا جمع کرنے پر،جلوس کے دوران راستے میں واقع عمارتوں کی چھتوں یا دکانوں کے تھڑوں پر بطور تماشائی موجودگی پر پابندی لگائی گئی ہے۔
ڈبل سواری کے علاوہ تمام پابندیوں کا اطلاق یکم سے 10 محرم الحرام تک ہوگا، ڈبل سواری پر پابندی کا اطلاق 7 سے 10 محرم الحرام تک ہوگا۔