(ویب ڈیسک) بالی ووڈ اداکارہ عرفی جاوید جو اپنی بولڈ تصاویر اور ویڈیوز کی وجہ سے سوشل میڈیا پر تنازعات کا شکار نظرآتی ہیں ان کے موت کی خبر زیرگردش کررہی ہے اس پر اداکارہ موقف آگیا۔ 

تفصیلات کےمطابق بالی ووڈ کی اداکارہ عرفی جاوید کے بارے یہ خبر سوشل میڈیا پر گردش کررہی ہے کہ اداکارہ نے خودکشی کرلی، اداکارہ نے گزشتہ روز اپنی ایک پرانی تصویر اپ لوڈ کی اور بتایا کہ کس طرح زنجیرکی چین نے ان کی گردن کو زخمی کیا، بعد ازاں کچھ صارفین نے اس  تصویر کو ایڈٹ کرتے اس زنجیر کی جگہ ایک رسی چسپاں کردی جس سے ظاہر ہوا کہ عرفی جاوید  نے گلے میں پھندا ڈال کر خودکشی کرلی ہے۔

تاہم عرفی جاوید سے متعلق جھوٹی خبریں انسٹاگرام پر پھیلیں تو اداکارہ کو اپنے اکاؤنٹ سے وضاحت دینا پڑی۔اداکارہ نے انسٹاگرام سٹوری پر وائرل تصاویر شیئر  کرتے ان کو جھوٹا قرار دیا اور لکھا کہ اس دنیا میں ہو کیا رہا ہے؟

عرفی جاوید نے بتایا کہ مجھے پہلےجان سے مارنے کی دھمکیاں دی جاتی رہی ہیں اور اب خودکشی کی خبریں پھیلائی جارہی ہیں، بولڈ لباس پہننے پر مجھے ریپ کی بھی دھمکیاں دی گئیں۔