(شاہد ندیم سپرا) وفاقی حکومت نے بجلی کی طلب اور صارفین کے بلوں میں کمی لانے کا انوکھا طریقہ ڈھونڈ لیا، پیپکو نے صارفین کی جانب سے یو پی ایس کے استعمال کو ختم کرنے کےلئے اقدامات کرنے کی ہدایت کر دی۔
پیپکو نے لیسکو سمیت تمام کمپنیوں کے سربراہوں کو مراسلہ ارسال کر دیا، جس کے مطابق سالانہ لاکھوں یونٹس یو پی ایس کی بیٹریاں چارج کرنے میں استعمال ہو جاتے ہیں، یو پی ایس کی چارجنگ سے صارفین کو اضافی بلوں کی ادائیگی کرنا پڑتی ہے،مراسلہ میں کہا گیا ہے کہ یو پی ایس کے استعمال کی روک تھام سے بجلی اور بلوں کی بچت کی جا سکے گی،صارفین کو گھروں سمیت دیگر مقامات میں یو پی ایس کے استعمال سے روکنے کی ہدایات جاری کر دی گئیں۔
واضح رہے کہ لوڈشیڈنگ اور بجلی کی طویل بندش میں صارفین یو پی ایس کا استعمال کرتے ہیں۔