ویب ڈیسک:پاکستان شوبز انڈسٹری کی خوبرو اداکارہ سعدیہ خان کی شاہ رخ خان کے بیٹے آریان خان کے ساتھ تصویر سوشل میڈیا پر وائرل ہوگئی ہے۔
سعدیہ خان نے اپنی انسٹا اسٹوری پر اپنی آریان خان کے ساتھ لی گئی ایک تصویر شیئر کی ہے۔اُنہوں نے یہ تصویر شیئر کرتے ہوئے لکھا کہ یہ تصویر دبئی میں نیو ایئر نائٹ پر لی گئی ہے۔
اداکارہ کی جانب سے انسٹا اسٹوری پر شیئرکی گئی یہ تصویر جنگل میں آگ کی طرح سوشل میڈیا پر وائرل ہوگئی ہے، صارفین کی جانب سے اس تصویر کو بہت پسند کیا جارہا ہے اور دلچسپ تبصرے بھی کیے جارہے ہیں۔
یہاں تک کہ شاہ رخ خان اور آریان خان کے فین پیجز کی جانب سے بھی اس تصویر کو سوشل میڈیا پر شیئر کیا جارہا ہے۔ سعدیہ خان نے کا کہنا تھا کہ یہ افسوسناک ہے کہ گندی سیاست میں آریان کو گھسیٹا جارہا ہے۔
اداکارہ نے یہ بھی کہا تھاکہ بغیر کسی شواہد کے آریان کو جیل میں رکھنا سمجھ سے باہر ہے۔