سٹی 42: شہرمیں بارش سے فضائی آلودگی کی شرح میں مسلسل کمی، ایئر کوالٹی انڈکس پر شرح آلودگی 161 ریکارڈ، محکمہ موسمیات نے مزید بارش کی پیشگوئی کر دی۔
بارش ہونے کی وجہ سے لاہور دنیا بھر کے آلودہ ترین شہروں کی فہرست میں پہلے نمبر سے گیارہویں نمبر پر آگیا ہے، کوٹ لکھپت میں شرح آلودگی 251، ماڈل ٹاؤن میں 208،مال روڈ پر 196،ٹھوکر نیاز بیگ میں 183،ڈی ایچ اے فیز 8 میں 178 ریکارڈ کی گئی ہے۔
موجودہ درجہ حرارت 11 سینٹی گریڈ ریکارڈ جبکہ کم سے کم درجہ حرارت 11 اور زیادہ سے زیادہ 15 ڈگری سینٹی گریڈ تک جانے کا امکان ہے، شہر میں 8 کلو میٹر فی گھنٹہ کی رفتار سے ہوا چلے گی،ہوا میں نمی کا تناسب 96 فیصد تک رہنے کا امکان ہے، محکمہ موسمیات کے مطابق بارش کا سلسلہ ہفتے تک جاری رہے گا۔