عرفان ملک : لاکھوں افراد کے فنگر پرنٹ چوری کرنے کا انوکھا واقعہ سامنے آگیا 
لاہور سمیت ملک بھر کے مختلف اضلاع سے شہریوں کے فنگر پرنٹس چوری ہوگئے ، فنگر پرنٹ چوری ہونے پر پاکستان ٹیلی کام اتھارٹی حرکت میں آگئی،ایف آئی اے سائبر کرائم ونگ کو تحقیقات کے لیے مراسلہ لکھ دیا،ایف آئی اے نے پی ٹی اے کی درخواست پر کارروائی کا آغاز کر دیا،
 ایف آئی اے سائبر کرائم ونگ کے مطابق سائبر کرائم ونگ نے فنگر پرنٹ ڈیٹا چوری کرنے والے گروہ کے4 ملزموں کو گرفتار کر لیا،گرفتار ملزموں  کو شادباغ سے گرفتار کیا گیا،

ملزموں  نے ابتدائی تفتیش میں 1 لاکھ 10 ہزار فنگر پرنٹس چوری کرنے کا انکشاف کیا،
 ایف آئی اے کے مطابق ملزمان سادہ لوح شہریوں کے بائیو میٹرک سے فنگر پرنٹس کا ڈیٹا حاصل کرلیتے ہیں،فنگر پرنٹس کا ڈیٹا حاصل کر کے موبائل کمپنیز کی سمز کو غیر قانونی طور پر ایکٹو کیا جاتا تھا،غیر قانونی ایکٹو سمز کی مدد سے فراڈ ، بلیک میلنگ اور دیگر مشتبہ کارروائی عمل میں لائی جا رہی تھی