حافظ سعد حسین رضوی کی دعوت ولیمہ، مینیو میں کیا کیا شامل؟

سٹی 42: امیر تحریک لبیک پاکستان علامہ حافظ سعد حسین رضوی کی دعوت ولیمہ،دعوت کا اہتمام سبزہ زار کرکٹ اسٹیڈیم نزد لیاقت چوک میں کیا گیا۔
امیر ٹی ایل پی کی جانب سے ولیمہ میں ہر خاص و عام کو شرکت کی دعوت دی گئی۔ دعوتِ ولیمہ مینیو میں بیف بریانی، بیف قورمہ اور سویٹ میں گاجر کا حلوہ شامل ہے، دعوت گاہ میں بچوں اور بڑے کارکنان کی کثیر تعداد کی شرکت کا سلسلہ جاری ہے۔  امیر تحریک لبیک پاکستان حافظ سعد حسین رضوی کی پنڈال میں آمد پر لبیک یارسول اللہ کی صدائیں۔ حافظ سعد رضوی مہمانوں کے پاس جا کر مصافحہ کررہے ہیں۔
دعوت گاہ کے اطراف میں سیکیورٹی کے انتہائی سخت انتظامات کئے گئے ہیں، دعوت گاہ میں داخلہ کیلئے تین سے چار مقامات پر چیکنگ درکار ہے۔  وی وی آئی پی مہمانوں اور عام شرکاء کیلئے دو گیٹ مختص کئے گئے ہیں۔ تحریک لبیک پاکستان کے خادم سیکیورٹی کے فرائض سر انجام دے رہے ہیں۔