(ذیشان نذیر) متروکہ وقف املاک بورڈ کی نااہلی، آفیشل ویب سائٹ پر چیئرمین کی تصویر تبدیل نہ ہوسکی۔ سپریم کورٹ کے حکم پر صدیق الفاروق کو چیئرمین کے عہدے سے ہٹایا جاچکا ہے۔
تفصیلات کے مطابق متروکہ وقف املاک بورڈ کی آفیشل ویب سائٹ پر ابھی تک صدیق الفاروق کو چیئرمین ظاہر کیا جا رہا ہے اور اس ویب سائٹ پر تصویر بھی سابق چیئرمین کی ہی موجود ہے تاہم وزارت مذہبی اُمور و ہم آہنگی کی طرف سے کیپٹن ریٹائرڈ آفتاب احمد کو چیئرمین بورڈ کا اضافی چارج دیا جا چکا ہے۔ ویب سائٹ پر نئے چیئرمین کی بجائے ابھی تک پرانے چیئرمین کی تصویر اور تفصیلات موجود ہیں جو کہ بورڈ کی غفلت کا منہ بولتا ثبوت ہے۔