عرفان ملک: لاہور میں ہیوی ٹرانسپورٹ کے داخلے پر جمعہ اور اتوار کےلئے مکمل پابندی، آج بھی کسی بھی قسم کی ہیوی ٹریفک،لوڈر ٹریکٹر ٹرالی کو داخلے کی اجازت نہیں ہوگی۔
تفصیلات کےمطابق پابندی کو یقینی بنانے کے لئے ڈی ایس پیز کی نگرانی میں 12 داخلی وخارجی راستوں پرنفری تعینات کی گئی، ہیوی ٹریفک، خستہ حال، فٹنس سرٹیفکیٹ نہ رکھنے والی گاڑیوں کو شہر میں داخلے کی اجازت نہیں۔
سی ٹی او عمارہ اطہر کا کہناتھا کہ پابندی سےمستثنیٰ پٹرول، ادویات، خوردونوش کو چیکنگ کے بعد داخلہ کی اجازت ہوگی،پابندی کے اطلاق کو 100 فیصد یقینی بنایاجائے گا، ٹرانسپورٹرز سموگ تدارک ،صحتمند آب و ہواکیلئے حکومتی احکامات کی پاسداری کریں۔
ماحولیاتی آلودگی کے خاتمے کیلئے ہم سب کو ملکر کوشش کرنا ہوگی، لاہور ٹریفک پولیس کا دھواں چھوڑنے والی گاڑیوں کیخلاف ہیوی کریک ڈاؤن بھی جاری ہے۔
روزانہ 20 لاکھ کے جرمانے اور سینکڑوں گاڑیاں و وہیکلز کو بند کروایا جارہا ہے، شہر میں 41 انسدادِ سموگ سکواڈز بھی تشکیل، کارروائیاں جاری ہیں۔