آغا محسن رضا، اویس کیانی : شیخوپورہ پی پی 139 کے 124 میں سے 123 پولنگ اسٹیشنوں کا غیر حتمی اورغیر سرکاری نتیجہ آگیا ،مسلم لیگ نوازکے امیدوار رانا طاہر اقبال 44264ووٹ لے کر کامیاب ہو گئے
شیخوپورہ میں مسلم لیگ ن کے امیدوار رانا طاہر اقبال 44264ووٹ لے کر کامیاب ہو گئے جبکہ پی ٹی ائی کی حمایت یافتہ امیدوار اعجاز حسین بھٹی نے 19964 وولٹ لیے
جیت کے بعد میڈیا سے گفتگو کرتے ہوئے رانا طاہر اقبال کا کہنا تھا کہ وہ جیت پر خدا کا شکر ادا کرتے ہیں اور عوامی خدمت کا سفر اسی طرح جاری رکھیں گے عوام نواز شریف کے ویثرن پر مکمل اعتماد رکھتی ہے
وزیرِ اعظم محمد شہباز شریف نے شیخوپورہ میں پنجاب اسمبلی کی نشست پر ضمنی الیکشن میں مسلم لیگ ن کے امیدوار کی واضح برتری پر رانا طاہر کو مبارکباد دی ،
وزیر اعظم کا کہنا تھا کہ
پی پی-139 میں مسلم لیگ ن کے امیدوار کی واضح برتری عوام کے پارٹی کی پالیسیوں پر اعتماد کی عکاسی کرتی ہے.مہنگائی کی شرح 38 فیصد سے 4.9 پر آنا، عام آدمی کی زندگی میں آسانی، ملکی معاشی اعشاریوں میں بہتری کی بدولت پی پی 139 کے عوام نے اپنا فیصلہ سنا دیا. پی پی 139 کے ضمنی انتخاب میں عوام نے انتشار کی بجائے ترقی و خوشحالی کے حق میں اپنا فیصلہ سنایا. پی پی 139 کے ضمنی انتخاب نے جلاؤ گھیراؤ کے بیانیے کو مسترد کر دیا.عوام سے اپنے کئے گئے وعدوں پر عملدرآمد کیلئے دن رات کوشاں ہیں. اللہ کے فضل و کرم سے اور اپنے قائد میاں محمد نواز شریف کی قیادت میں عوامی خدمت کے اقدامات کے مثبت نتائج سامنے آنے لگے ہیں.
قائد میاں محمد نواز شریف کی قائدانہ سوچ اور پارٹی ورکرز کی محنت کی بدولت فتح نصیب ہوئی.پنجاب کی وزیرِ اعلی مریم نواز بھی دن رات عوام کی خدمت اور صوبے کی ترقی کیلئے مصروف عمل ہیں،عوام ملک میں حقیقی معاشی ترقی اور حقیقی خوشحالی لانے والوں کو منتخب کر چکی ہے انشاء اللہ وطن عزیز کو ترقی کی بلندیوں تک پہنچانے کیلئے شبانہ روز محنت جاری رکھیں گے.