سٹی 42: جنگلی حیات ونایاب پرندوں کے تحفظ کیلئےجنوبی پنجاب میں کومبنگ آپریشن کا آغاز کردیا گیا ،ڈائیریکٹر جنرل محکمہ جنگلی حیات مدثر ریاض ملک کی قیادت میں چھاپے مارے گئے 
غیر قانونی وائلڈ لائف گودڑی برڈ مارکیٹ، کبوتر منڈی ملتان پر چھاپے مارے گئے ،چھاپےکےدوران سینکڑوں نایاب جانور اور پرندے برآمد کیے گئے ،گودڑی مارکیٹ سے برآمد پرندوں میں را طوطے، چکور، مور، فیزنٹ شامل ہیں ،
کبوتر منڈی میں پرندوں و جنگلی جانوروں سے بھرے 8 ٹرک تحویل میں لیے گئے،غیرقانونی کاروبار کرنیوالےمافیا کی چھاپہ مار ٹیم پر تشدد و فائرنگ کی گئی ، پولیس نے  جوابی کارروائی کرتے ہوئے مسلح مزاحمت کرنے والے 8 ملزمان گرفتار، 40 سے زائد دکانیں سیل کردیں 
گودڑی مارکیٹ میں فائرنگ کرنیوالےدیگرنامعلوم ملزمان کیخلاف اقدام قتل کا مقدمہ درج کرلیا ، غیر قانونی برڈ ڈیلرز کے خلاف انسداد دہشتگردی کی دفعات کے تحت مقدمہ درج کرلیا،پنجاب وائلڈ لائف ایکٹ ترمیمی 2025 کے تحت کارروائی کی گئی،مزاحمت کرنے والے تمام 8 ملزمان بھی گرفتارکرلیےگئے