(ویب ڈیسک)شوبزکی مقبول جوڑی دانش تیمور اور عائزہ خان کی یورپ میں فٹبال میچ کے دوران خوبصورت تصاویر وائرل ہوگئیں۔

 دانش تیمور اور عائزہ خان ان دنوں یورپ میں چھٹیاں گزار رہے ہیں، جہاں سے وہ مداحوں کے ساتھ مسلسل اپنی دلکش تصاویرشیئر کر رہے ہیں۔

 حال ہی میں اس جوڑی نے سپین کے مشہور سانتیاگو برنابیو اسٹیڈیم میں ہونے والا فٹبال میچ دیکھا اور ریال میڈرڈ کو سپورٹ کیا،میچ کے دوران ریال میڈرڈ اور والنسیا کے درمیان دلچسپ مقابلہ دیکھنے کو ملا، تاہم عائزہ خان اور دانش تیمورکی پسندیدہ ٹیم ریال میڈرڈ کو شکست کا سامنا کرنا پڑا،اس کے باوجود دونوں کے چہروں پر خوشی نمایاں تھی اور انہوں نے اس یادگار لمحے کو کیمرے کی آنکھ میں محفوظ کر لیا۔

 عائزہ خان اور دانش تیمور نے سٹیڈیم سے اپنی چند تصاویر سوشل میڈیا پر شیئر کیں جنہیں دیکھ کر مداحوں نے خوب پسند کیا، تصاویر میں دونوں اداکار نہایت اسٹائلش انداز میں نظر آئے۔

یاد رہے کہ عائزہ خان اور دانش تیمورکی شادی 2014 میں ہوئی تھی اور ان کے دو بچے ہیں۔