ویب ڈیسک: ضلع قمبر کے علاقعے گاجی کھاوڑ میں گاؤں ستر پھلپوٹو میں 10 سالہ معصوم لڑکی کو مبینہ زیادتی کا نشانہ بنایا گیا۔
صوبی سندھ کے ضلع قمبر کے گاؤں ستر پھلپوٹو میں اسی طرح کا واقعہ پیش آیا جہاں 10 سالہ معصوم بچی کو مبینہ طور پر زیادتی کا نشانہ بنایا گیا۔ متاثرہ بچی کو بیہوشی کی حالت میں لاڑکانہ شیخ زید چلڈرن اسپتال منتقل کیا گیا۔
اس حوالے سے ایس ایس پی قمبر توحید الرحمن میمن نے واقعے کا نوٹس لیا اور پولیس کی جانب سے فوری کارروائی کے بعد ملزم کو گرفتار کرلیا گیا۔
ایس ایس پی قمبر توحید الرحمن میمن کا اس حوالے سے کہنا تھا کہ معصوم بچی کو انصاف دلانے کے تمام تقاضے پورے کیے جائیں گے اور ایسے کسی بھی جرم میں ملوث مجرموں کو نشان عبرت بنایا جائے گا۔