شاہد ندیم: لیسکو ملتان روڈ سب ڈویژن کی ٹیموں نے ہنجروال کے علاقے میں آپریشن کرتے ہوئے متعدد گھروں میں بجلی چوری پکڑ لی۔
تفصیلات کے مطابق لیسکو ملتان روڈ سب ڈویژن کی ٹیموں نے ہنجروال کے علاقے میں آپریشن کیا، آپریشن کے دوران متعدد بجلی چوروں کو رنگے ہاتھوں پکڑ لیا گیا۔ ایس ڈی او ملتان روڈ سب ڈویژن نے بتایا کہ ڈائریکٹ سپلائی کے ذریعے بجلی چوری کی جا رہی تھی، بجلی چوری کرنے والے صارفین کے ٹرانسفارمر اُتار لئے گئے۔
ایس ڈی او عامر آرائیں نے مزید بتایا کہ بجلی چوری کرنے پر صارفین کیخلاف مقدمات درج ہوں گے۔