سٹی42: جمعہ کے روز لبنان سے شمالی اسرائیل کی طرف کم از کم 180 راکٹ فائر کئے گئے۔
بدھ کے روز سے یہودی نئے سال روش ہوشعنا کے آغاز سے جمعہ کی شام اختتام تک لبنان سے شمالی اسرائیل کے شہروں۔ قصبوں اور گاؤں پر 700 کے قریب راکٹ فائر کئے گئے۔
اسرائیل کی آرمی کے مطابق جمعہ کے روز دن کے مختلف اوقات میں راکٹ گرنے سے کئی علاقوں میں آگ بھڑک اٹھی جس سے عمارتوں کو نقصان پہنچا۔ بالائی اور مغربی گلیلی پر حملوں کے علاوہ، راکٹ گولان کی پہاڑیوں، گریٹر حیفہ کے علاقے اور قیصریہ کی طرف بھی فائر کیے گئے۔