امانت گشکوری: چیف جسٹس پاکستان جسٹس قاضی فائز عیسیٰ سے سپریم کورٹ پریس ایسوسی ایشن ممبران نے ملاقات کی،ملاقات میں سینئر ترین جج جسٹس سردار طارق مسعود بھی شریک تھے ۔
سپریم کورٹ پریس ایسوسی ایشن کے 43 رکنی وفد سے چیف جسٹس کی ملاقات تین گھنٹے تک جاری رہی ،چیف جسٹس پاکستان اور سینئرترین جج نے صحافیوں سے کورٹ رپورٹنگ سے متعلق تجاویز مانگیں ،ملاقات میں سپریم کورٹ میں کیسز کے تقرر کا طریقہ کار مرتب کرنے سے متعلق اقدامات پر گفتگو ہوئی۔