سٹی42:جرمنی کے بڑے شہر ہیمبرگ میں مسلح شخص کے داخلے  اور فائرنگ کے واقعہ کے بعد ائیر پورٹ بند کر کے سکیورٹی آپریشن شروع کر دیا گیا، درجنوں پروازیں منسوخ ہو گئیں۔

جرمنی کے شہر ہیمبرگ میں مسلح شخص  کے رکاوٹیں توڑ کر  ائیرپورٹ میں داخل ہونے کے بعد پروازیں منسوخ کرکے ائیرپورٹ بند کردیا گیا۔

برطانوی خبر رساں ایجنسی کے مطابق ہفتے کی شام ایک مسلح شخص تیز رفتار گاڑی کے ساتھ رکاوٹیں توڑتے ہوئے ائیرپورٹ میں داخل ہوا تو عملے کو مجبوراً ائیرپورٹ بند کرنا پڑگیا۔

++AKTUELL++
Derzeit kommt es auf dem Rollfeld des @HamburgAirport zu einem größeren Polizeieinsatz.
Wir sind mit einem Großaufgebot an Einsatzkräften vor Ort.
Aktuell gehen wir von einer statischen Geisellage aus.

Nähere Informationen folgen.#Hamburg #HamburgAirport pic.twitter.com/dGOml6Ovzw

— Polizei Hamburg (@PolizeiHamburg) November 4, 2023

خبر رساں ادارے نے پولیس ترجمان کا حوالہ دیتے ہوئے کہا کہ مسلح شخص کی گاڑی میں ایک بچہ بھی موجود تھا جبکہ اس نے دو بار ہوائی فائرنگ کی اور اپنی گاڑی سے دو جلتی ہوئی بوتلیں پھینکیں۔

سماجی رابطوں کی ویب سائٹ ایکس پر جرمن پولیس کا کہنا تھا کہ وہ ائیر پورٹ پر یرغمالی صورتحال کے پیش نظر بڑا آپریشن کر رہے ہیں۔

پولیس کے مطابق واقعے میں کوئی زخمی نہیں ہوا تاہم ائیرپورٹ کی جانب سے جہازوں کی روانگی اور آمد عارضی طور پر روک دی گئی ہے۔

ہیمبرگ ائیرپورٹ کے ترجمان کے مطابق ائیرپورٹ پر پیدا ہونے والی صورتحال کے باعث 27 پروازیں متاثر ہوئی ہیں۔

رپورٹ کے مطابق مسلح شخص کی بیوی نے کچھ وقت قبل پولیس سے ممکنہ طور پر بچوں کے اغوا کے بارے میں رابطہ کیا تھا۔

+++UPDATE+++
Aufgrund einer polizeilichen Maßnahme auf dem Vorfeld des Hamburger Flughafens finden am heutigen 4. November keine Starts und Landungen mehr statt. Alle betroffenen Passagiere wenden sich bitte direkt an die Fluggesellschaft. pic.twitter.com/qGPe9OYmI0

— Hamburg Airport (@HamburgAirport) November 4, 2023