(زین مدنی حسینی)شہر لاہور کے اندرون دروازوں کی ثقافت پر مبنی فلم دہلی گیٹ کی عکس بندی لارنس گارڈن میں کی گئی، کالج کے لڑکے لڑکیوں سمیت اداکار یاسرخان،سوزین فاطمہ ، شہریار چیمہ اور دیگر فنکاروں نے حصہ لیا ۔
ہدایتکار ندیم چیمہ کی فلم دہلی گیٹ کی عکس بندی کی گئی، لارنس گارڈن میں اداکار یاسرخان،سوزین فاطمہ، شہریارچیمہ اور دیگر فنکاروں نے حصہ لیا اور فائیٹ سین عکس بند کئے۔
ایک عرصے بعد شہر لاہور کے کسی باغ میں فلم کی عکس بندی ہوئی جسے دیکھنے والے بھی کثیرتعداد میں موجود تھے۔ فلم کے ہدایتکار ندیم چیمہ کا کہنا ہے کہ فلم کی ستر فیصد عکس بندی مکمل کرلی گئی ہے اور بقیہ جاری ہے۔
فلم کا مرکزی کردار ادا کرنے والے یاسر خان کا کہنا ہے کہ کورونا وائرس کے باعث فلم رک گئی تھی لیکن حالات ٹھیک ہوتے ہی اسے مکمل کرکے ریلیز کریں گے۔ فلم کی دیگر کاسٹ میں اداکار جاوید شیخ، شمعون عباسی، سوزین خان، روما مائیکل ، شفقت چیمہ اور دیگر فنکار شامل ہیں۔