گلبرگ (زین مدنی ) اداکارنعمان اعجاز کا اپنے بچوں کے ساتھ خاصا دوستانہ تعلق ہے، ان کے مشاغل میں والد کا بھرپورساتھ ہوتا ہے۔سماجی رابطوں کی ویب سائٹ انسٹا گرام پرایک ویڈیو تیزی سے وائرل ہورہی ہے جس میں نعمان اپنے بیٹے ریان کے ساتھ معروف پنجابی گانے باری پر طبع آزمائی کررہے ہیں۔
تفصیلات کے مطابق سماجی رابطوں کی ویب سائٹ انسٹا گرام پرایک ویڈیو تیزی سے وائرل ہورہی ہے جس میں نعمان اپنے بیٹے ریان کے ساتھ معروف پنجابی گانے باری پر طبع آزمائی کررہے ہیں۔ مومنہ مستحسن اور بلال سعید کے اس گانے پرنعمان اعجاز نے کرسی کی مدد طبلے کا کام لیا اور خوب مہارت دکھائی۔
سازکے تو پورے نمبر ہیں لیکن آواز پر انسٹاصارفین کا ملا جلا ردعمل رہا۔ کئی صارفین باپ بیٹے کی گائیکی سے متاثر نہیں ہوئے جبکہ بیشتر نے اس کاوش کا سراہا۔ ایک صارف نے لکھا ایسا گا کربھی اپ لوڈ کرنا، واہ جبکہ ایک اور صارف نے تبصرہ کیا یہ ویڈیو ان کی آواز سے متعلق نہیں ، یہ بیٹے اورباپ کے تعلقات کی عکاسی کرتی ہے۔
ایسا پہلی بارنہیں کہ نعمان کاور ان کے بچوں کا بہترین تعلق سامنے آیا ہو، اس سے قبل اداکار نے ایک ویڈیو شیئر کی تھی جس میں وہ اپنے تینوں بیٹوں کے ہمراہ بھارتی گانے آنکھ مارے پر ڈانس کررہے ہیں۔